Жамбыл облысының рухани орталығы «Һибатулла Тарази» мешітіне елге танымал уағызшы, теолог, ғалым, хафиз Ерсін Әміре келіп, жамағатқа насихат жүргізді.

Ардақты пайғамбарымыздың (оған Алланың салауаты мен сәлемі болсын) ғибратты ғұмыры, үлгі-өнегесі, мінез-құлқы сөз болған жиын көпшіліктің жүрек төріндегі Алла елшісіне деген махаббаттын одан ары күшейтіп, сағыныштан көзге ыстық жас алғызды.

Уағыз барысында пайғамбарымыздың (оған Алланың салауаты мен сәлемі болсын) жасаған амалдары, дін жолындағы тәуекелі мен жемісі тілге тиек болды.

Ғалымның насихатына жиналған жамбылдықтардың қарасы көп болды. Үгітті ұйып тыңдаған бұқара көкейкесті сауалын қойып, қаридан мысалға толы жауаптар алды.