ҚМДБ Әйелдер-қыздар секторының жетекшісі, теолог Ақбөпе Тілегенова іс-сапармен БҚО-ның Бөрілі ауданына келді. Ол аймақтық мешіттің әйел-қыздар секторымен кездесіп, «Әйел бақыты» тақырыбында насихат айтты.

«Ананы, жалпы әйел затын қадірлеу мәдениеті – Ислам дініндегі басты құндылықтардың бірі. Қазақ халқының руханиятында ананың қоғамдағы орны да ерекше. Отбасының ұйытқысы болған ананың бала тәрбиесіндегі алар орны да орасан зор» деді ол. Сондай-ақ Ақбөпе Тілегенова Бөрлі ауданы әкімінің орынбасары А.Көшкінбаевпен кездесіп, алдағы уақытта бірлесе жұмыс істеу жолдарын талқылады. Әңгіме барысында мұсылман қыз-келіншектердің өзекті мәселелері жан-жақты талқыланды.

Осы күні мешіт жанындағы әйел-қыздар секторының ұйымдастыруымен Бөрлі аудандық мешітінде Мәуліт мерекесі өтті. Шараға Батыс Қазақстан облыстық мешіті әйел-қыздар секторының меңгерушісі Анаргүл Демеутова қатысып, ардақты пайғамбарымыздың өнегелі өмірінен насихат айтып, Мәуліт мерекесін атап өтудің маңызы жайлы әңгімеледі. Кеш соңы арнайы жайылған дастарханда жалғасып, ақ бата берумен аяқталды.