Алматы облысының Талғар ауданына қарасты Тұздыбастау ауылында Мәуліт кеші өтті.

Ауыл мешітінің ұйымдастыруымен өткен игі шара жоғары деңгейде ұйымдастырылды. Шара аясында мерекелік дастархан үстінде аудан имамы Мұсабек қажы Тағанұлы уағыз-насихат айтты. Сондай-ақ Пайғамбар (оған Алланың салауаты мен сәлемі болсын) өміріне қатысты арнайы әзірленген видео-ролик көрсетіліп, түрлі термелер орындалды.

Арнайы Мәуліт жыры оқылып, мерекеге келген меймандарға сыйлықтар үлестірілді. Ауыл тұрғындары Пайғамбарымыз (оған Алланың салауаты мен сәлемі болсын) өмірімен танысып, мәз-мейрам болып тарасты.