Таң

Күн

Бесін

Екінті

Ақшам

Құптан

Елбасы Біріккен Араб Әмірліктерінің Президентіне көңіл айтты

https://elbasy.kz/ 19.11.2019 2501 0 пікір
Елбасы Біріккен Араб Әмірліктерінің Президентіне көңіл айтты

Елбасы Нұрсұлтан Назарбаев шейх Сұлтан бен Заид Әл Нахаянның қайтыс болуына байланысты көңіл айту жеделхатын жолдады. Бұл туралы Елбасының баспасөз қызметі хабарлады.

«Бауырыңыз әрі Біріккен Араб Әмірліктерінің абыройлы саяси қайраткері шейх Сұлтан бен Заид Әл Нахаянның дүниеден озғаны туралы суыт хабарды зор күйзеліспен қабылдадым.

Шейх Сұлтан Біріккен Араб Әмірліктерінің аяқтан тұрып, гүлденуіне ерекше үлес қосқан тұлға ретінде ел тарихында өшпес із қалдырды. Оның жарқын бейнесі Әмірліктер халқының жүрегінде әрдайым сақталатынына сенімдімін.

Осынау сын сағатта, Аса құрметті Президент мырза, Сізге және отбасыңыздың мүшелеріне сабыр тілеп, азалы көңілімді білдіремін» делінген жеделхатта.

Пікірлер (0)

Тіркелген қолданушылар ғана пікір қалдыра алады. Сайтқа кіру