Мұратбек Қыстаубаев басқосуда ІІІ республикалық имамдар форумында қабылданған «Жеті рухани қазық» Қазақстан мұсылмандарының рухани тұғырнамасы, басқа да құжаттарды таныстырды.

Сондай-ақ, қаладағы Тәжіден Батырұлы атындағы мешіттің бас имамы Мейрамбек Абдрахманов та Оралдың Серебряков кентіндегі мешітте болып, жұма намазынан кейін жиналған жамағатқа кейінгі форум жайлы кеңінен әңгімеледі.

Ал Жаңақала аудандық мешітінің бас имамы Ерік Сұлтанов ауданның орталық мешітінде форумда қабылданған құжаттар туралы айтып, ҚМДБ-ның жаңа басылымы «Мұнара» газетін көпшілікке таныстырды. Тұрғындарға төл басылым «Мұнара» газетіне 2020 жылына жазылу жүріп жатқанынан хабардар етті.