СҚО «Қызылжар» орталық мешітінің жанындағы әйел-қыздар секторы ұйымдастыруымен 10 қарашасында қалалық «Қызылжар» мешітінде мәуліт мерекесі өткізілді.

Аталмыш игі шараға «Қызылжар» қалалық мешітінің бас имамы Исаев Қасымхан Абдоллаұлы қатысып, ардақты пайғамбарымыздың өнегелі өмірінен уағыз айтып, мәулет мерекесін атап өтудің маңыздылығы айтылды.

Жетпіске жуық жиналған әйел-қыздарға, апаларға дайындалған көріністер қойылып, ойындар ойнатылды. Кеш арнайы жайылған дастархандағы ақ бата-тілектермен аяқталды.