Бүгін Нұр-Сұлтан қаласында Қазақстан дінтанушыларының ІХ форумы өтеді.

Форум жұмысында дін саласындағы жергілікті атқарушы органдардың өкілдері, дінтанушылар мен теологтар, еліміздің жоғары оқу орындарының дінтану факультеттерінің оқытушылары мен студенттері қатысады. Форум барысында 2017-2020 жылдарға арналған дін саласындағы мемлекеттік саясат тұжырымдамасын іске асыру мәселелері талқыланбақ.

Бұл тұжырымдама діни сенім бостандығы, рухани прогресті қамтамасыз ету, елдегі азаматтық бейбітшілік пен конфессияаралық келісімді сақтау мен нығайтуға бағытталған діни саясатты дамытудың бағыттарын реттейтін негізгі құжат.