Бүгін Маңғыстау облыстық орталық мешітіне ат басын бұрған ҚР Жоғарғы мектебі Ғылыми Академиясының Академигі, Педагогика ғылымдарының кандидаты, Тарих ғылымдарының докторы, профессор, Қазақстан Республикасының Еңбек сіңірген қызыметкері, «Ардагерлер ұйымы» Республикалық қоғамдық бірлестігі орталығының төрағасы, Маңғыстау облысының құрметті азаматы Өмірзақ Озғанбайұлы Озғанбаев Маңғыстау облыстық орталық мешітінің бас имамы қызметіне жаңадан тағайындалған Әнуар Ізімбаевпен кездесті.

Ел ағасы тағылымды кездесуде бас имамға жауапкершілігі мол қызметте табыс тілеп, Маңғыстау облысының діни ахуалына жаңа серпін беретініне сенім білдірді. Кездесу соңында бас имам Әнуар Ізімбайұлы форумда қабылданған құжаттарды таныстырып, «Рухани жеті қазық» Қазақстан мұсылмандарының тұғырнамасын табыстады.