ІІІ Республикалық имамдар форумында көтерілген өзекті мәселелер Түркістан облысының жамағатынан қолдау тауып жатыр. Барлық дерлік мешіттерде "Жеті рухани қазық" таныстырылуда. Кентау қалалық орталық мешіті үш құжаттың көшірмесін дайындап, имам, ұстаз, азаншыларға дейін таратып берді.

Осыған орай, Жастар орталығында ауқымды жиын өтті. Онда форумда бекітілген дін қызметкерлерінің міндеттемелері түсіндірілді. Алда атқарылатын жұмыстар жоспарланды. Ақсақалдар кеңесі имамдармен бірге ұлттық құндылықтарды насихаттауға ниет білдіріп отыр. Мүфтияттың игі бастамаларын қашанда қолдайтындарын айтты.