Түркістан қаласының тұрғыны, жалғызбасты анаға “Ел үлесі – пәтерге” жобасы аясында апатты жағдайдағы үйінің орнына жаңа үй салынып берілді. Игі істі “Зекет” корпоративтік қорының Түркістан қалалық бөлімінің ұйымдастыруымен жергілікті кәсіпкерлер жүзеге асырды. 

Тамара Азимоваға қала мешіттерінен төсеніш, тұрмыстық техника және т.б заттар тарту етілді. Бұл “Ел үлесі – пәтерге” жобасының аясында пайдалануға берілген 144-ші баспана.

ҚМДБ "Зекет" қорының бастамасымен “Ел үлесі – пәтерге” жобасы жүргізіліп келеді. “Көп түкірсе – көл болады” демекші, игі істерден шет қалмай үлес қосуға шақырамыз.