Шығыс Қазақстан облысы Көкпекті ауданы «Үлгілі малшы» ауылдық мешіті облыстық ақындар айтысын ұйымдастырды. Сөз сайысына облысқа танымал 3 жұп өнер көрсетті. Айтысты тамашалауға көрермендер көп жиналды.

Шара туралы: «Ұлы даланың жеті қыры мақаласының аясында ауылымызда айтыс ұйымдастырып отырмыз. Айтысқа деген халықтың ықыласы ерекше болды. Ақындарымыз өзекті мәселелелермен қатар ел-жер тарихын барынша шабытпен көсіле жырлады» деп атап өтті, айтысты ұйымдастырушы «Үлгілі малшы» ауылдық мешітінің бас имамы Батай Әлімбек.

Жүлдегер ақындарға сыйлықтар табыс етілді. Айтыс халықтың көңілінен шықты.