Талдықорған өңірлік өкілдігіне қарасты Жастар ісі секторы Халықаралық қарттар күніне орай қарияларға сыйлықтар таратты.

Талдықорғандағы І.Жансүгіров атындағы әдеби-мемориалдық мұражайында жиылған қарттарға "Нұр" мешітінің бас имамы Алмас Сағидолдаұлы өкіл имам Ардақ Нүсіпханұлының сәлемін жеткізіп, абзал ақсақалдар мен ақжаулықты аналарды мейрамымен құттықтады. Жиында концерттік бағдарлама ұсынылып, мешіт атынан сыйлықтар үлестірілді.

Сондай-ақ, "Қарттарым - асыл қазынам" атты іс-шара арқылы 30-дан астам қарт кісілерге сыйлықтар таратылды.