Алматы өңірі бойынша облыстық "Қарасай батыр" мешітінде "Экстремизм және терроризмге қарсы іс-қимыл жөніндегі оқыту» атты тақырыпта семинар өтті. Бұл жиынға ҚМДБ-ның Алматы өңірі бойынша өкіл имамы Қуаныш Бақытбекұлы, «ҚР ланкестік және экстремизм мәселелерін зерттеу орталығы» қоғамдық қорының басшысы Бишманов Кәкімжан Мұратжанұлы және қала-ауыл имамдары қатысты.

Алғы сөзді бастаған өкіл имам, діни экстремизм және терроризмнің алдын алуға бағытталған іс шаралардың ҚМДБ-ның тарапынан атқарылып отырғанын баяндап, алдау-арбауға ұшыраған жастарға көбірек дұрыс насихат жеткізу жолдарын түсіндірді. 

Семинар барысында теріс діни ағымдар сипаты жайында ақпарат беріліп, жиналған қауым сұрақтарына жауап беріліп, жиын соңында имамдарға сертификаттар табысталды.