Сыр еліне арнайы сапармен келген республикамызға танымал теолог, исламтанушы, Әл-Азһар университетінің түлегі Е.Қарақұлов Сыр жастарымен кездесті.

Қорқыт-Ата атындағы Қызылорда мемлекеттік университетінде өткен кездесуде Республикалық ақпараттық түсіндіру тобының мүшесі Еркебұлан Ыбырайымұлы және ҚМДБ-ның Қызылорда облысы бойынша Өкіл имамы Болатбек Ұласқанұлы білім алушы жастарға «Діни сауатсыздық – діни экстремизмнің бастауы» тақырыбы аясында «дінді дұрыс ұстану», «діни білімді арнайы бекітілген мамандардан алу», «заманауи білім-ғылымды игеру», «деструктивті діни ағымдардың түпкі мақсаты мен идеологиясы» туралы түсіндіріп, ағалық ақыл-кеңестерінмен бөлісті.

Шара барысында танымдық видеороликтер көрсетілген соң, студент жастардың сұрақтарына жауап беріліп, ұсыныс-пікірлері тыңдалды.