ҚМДБ-ның Қызылорда облысы бойынша өкілдігі, «Әйелдер-қыздар» секторының ұйымдастыруымен әйел ұстаздардың біліктіліктерін арттыру мақсатында «Ақида» пәнінен 3 күндік семинар өткізілді.

Облыстық мешітте өткен семинарда «Ақмешіт-Сырдария» орталық мешітінің наиб имамы А.Жұбанов қала және аудан мешіттерінде әйел жамағатына дәріс беруші ұстаздарға «иман негіздері», «Алланы тану. Иләһият» тақырыптары бойынша негізгі мәселерге тоқталып, Алла Тағаланың Зәти және Субути сипаттарын, ұқсас мағыналы аяттарды тәпсір кітабы бойынша ғалымдардың қалай түсіндіргенін қарастырды.