Жастар ресурстық орталығы мен ҚМДБ Талдықорған өңірі бойынша өкілдігі Жастар ісі секторының ұйымдастыруымен жастарға қызмет көрсету орталығында «Жастар жылы» аясында қабылданған меморандумның жұмыс бағытына сай ҚМДБ-ның Талдықорған өңірі бойынша өкіл имамы Оразбаев Ардақ Нүсіпханұлының қатысуымен «Иман айнасы» атты Жасыл ел жасағының жастарымен кездесу өтті.

Шараның мақсаты жастарды отансүйгіштікке, дінге, елге қызмет етуге баулу.
Кездесуде адамгершілік, адал еңбектің пайдасы, тәрбие, ұлттық болмыс, уақытты тиімді пайдалану, елге, дінге қызмет ету мәселелері кеңінен талқыланды. 

Өз кезегінде Жастар ойларын ортаға салып, ұстазымызға жан-жақты сұрақтар қойды. Жас буын өкілдері кездесуден руxани серпіліп қалғаны айқын.