Мысырдағы әл-Азһар университетіне жыл сайын Нұр-Мүбарак университетін үздік оқыған түлектер жолдама алып жатады. Бүгінде әл-Азһардың үшінші курсына аяқ басқан Нұрсейіт Омаров өзі түлеп ұшқан Нұр-Мүбарак университетіне ат басын тіреп, ұстаздарымен жүздесіп, жүрекжарды пікірімен бөлісті.
- Мен Нұр-Мүбарак университетін 2015 жылы тәмамдаған болатынмын. Бірге бітірген 10 бала болып Нұр-Мүбарак университеті басшылығының батасын алып Мысыр еліне аттандық. Біздің байқағанымыз, көбі әл-Азһар университетінде оқығысы келеді, бірақ өздігінен барғандар 2-3 жылдай уақытын жоғалтып жатады. Ал біз екіжақты келісім нәтижесінде арнайы грантпен барып, бірден білгір шейх, профессор ғалымдардан дәріс ала бастадық. Тіпті бізден кейін келген Нұр-Мүбарак университетінің түлектері екінші курсқа бірден қабылданатын жағдай жасалып жатыр. Ал бейресми жолмен, өздігінен барғандар құжаттар тапсырып, араб тілін меңгерем дегенше уақыттан көп ұтылып жатқанын көріп, елімізде Нұр-Мүбарак университетінің болғанына кеудемізді ерекше мақтаныш кернегені рас,-деп Нұрсейіт ағынан жарылды.
Нұрсейіт Омаровпен қатар барған түлектердің 3-і денсаулығына, отбасылық жағдайларына байланысты елге оралуға мәжбүр болған. Олар болашақта білімдерін жалғастыруға да үміттері басым. Нұр-Мүбарак университетінің үздік түлектері әл-Азһарда білім алуды армандайтын талапкерлерге ең әуелі өз еліміздегі жалғыз ислами жоғары білім ордасында тәлім алудың артықшылығы мол екенін жеткізгісі келеді.
ДІНИ МЕРЕКЕЛЕР
Айша Кеңесбай Нұр-Мүбарак университетінің баспасөз қызметі
26.08.2019
3619
0 пікір
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру