Құрбан айт – Алланың разылығына жеткізетін амалдар жасайтын мұсылмандардың ең қасиетті, ұлық мерекелерінің бірі.  

Жылдағы үрдіске сай Жамбыл облысы бойынша Құрбан айт мерекесі жоғары деңгейде аталып өтілуде. Мерекенің негізгі жөн-жоралғыларын атқаруда орталық «Һибатулла Тарази» мешітінен бастап, барлық қалалық, аудан, ауыл мешіттері де атсалысуда.

Алғашқы құрбан малын шалу рәсіміне ҚМДБ-ның Жамбыл облысындағы өкілі, осы мешіттің бас имамы Қанат Жұмағұл қатысып, Құран оқып, дұға жасады.

Айттың бірінші күні мешітте шалынып жатқан құрбандық малдарының еті "Құрбан айттан қайырым" науқанында халыққа таратылды.