Наиб мүфти Ақтөбеде айт намазын жүргізді

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 13:07:30

28 Мамыр 2026

11 Зулхижжа 1447 Хижра

ДІНИ МЕРЕКЕЛЕР

Наиб мүфти Ақтөбеде айт намазын жүргізді

nurgasyr.kz

11.08.2019

3711

0 пікір

– | A | +

Наиб мүфти Ақтөбеде айт намазын жүргізді

Әлем мұсылмандарының ұлық мейрамын Ақтөбе облысының жұртшылығы айрықша қуанышпен қарсы алды. Ақтөбе мешіттерінде таңғы сағат 7.00-де айт намазы басталды. Ақтөбе облысының әкімі Оңдасын Оразалин «Нұр Ғасыр» облыстық орталық мешітіне арнайы келіп, облыс жамағатын мерекемен құттықтады.

Аллаға құлшылықпен басталған мұсылман мейрамы, әрі қарай өзінің нақышты сән-салтанатымен ұлттық мерекеге ұласты. Өңір басшысы өз құттықтауында:

«Құрметті ақтөбеліктер, қадірлі жерлестер! Сіздерді қасиетті мейрам – Құрбан айт мерекесімен шын жүректен құттықтаймын! Осынау ұлық мерекеде адамдар құрбан шалып, бейбітшілік пен жақсылық жолында ұйысып, ізгі амалдар жасайды. Құрбан айт – ертеден-ақ халқымыздың тарихымен, өмір тіршілігімен біте қайнасқан рухани мейрам. Еліміз егемендігін алғаннан кейін бұл мерекені тойлау жаңаша серпін алып, кең көлемде атап өтілуде. Бұл мемлекетіміздің руханиятқа жасаған айрықша қамқорлығының бір көрінісі», - деді.

Бұдан кейін Нұр-Сұлтаннан арнайы келген ҚМДБ-ның наиб мүфтиі Бауыржан қажы Есмахан жұртшылыққа Бас мүфтидің ыстық сәлемін жеткізіп, халыққа ізгі тілегін арнады. Наиб мүфти айт намазын жүргізіп, хұтпа оқыды.

Облыс басшысы О.Оразалин көпшілікпен бірге киіз үйлерден дәм татып, ұлттық ойындарды тамашалады. Жастарға ұлттық ойын түрлерінен спорттық сайыстар ұйымдастырылды. Топ-топқа бөлінген жамағат арқан тартысып, күресіп, білек күшін сынасты. Жеңімпаздарға сый-сияпат үлестірілді.