Құрбан айт қарсаңында Маңғыстау облысының өкіл имамы С.Сейтбеков өңірдегі мал сою орындарын арнайы аралап, қасапшылармен кездесіп, шариғат бойынша мал сою ережелерін түсіндірді.

Қасапшыларға құрбандық шалу айт намазынан бастап айттың үшінші күнінің күн батқан уақытына дейін жалғасатыны, одан ерте немесе кеш сойылған мал құрбандық есебіне жатпайтыны, сынды жайттар айтылды. Сонымен қатар мал сатушылармен де кездесіп Құрбан айт күндері малдың бағасын қымбаттатпауын ескертті.

Жиын соңында өкіл имам келе жатқан Құрбан айт мерекесімен құттықтап, Маңғыстау облысы бойынша айт намазы таңғы сағат жетіде оқылатынын жеткізді.