Қазақстан мұсылмандары діни басқармасының "Орал" орталық мешітінің наиб имамы Ерденбек Ихсанов БҚО " AQJAIYQ" телеарнасына сұхбат берді.

Телеарнаның "Ғибрат" бағдарламасында Ерденбек Жанұзақұлы Құрбан айт, қажылық хақында әңгімеледі.

"Құрбандық шалу мәнісінің кеңдігін ұғыну үшін діннің не екенін, құлшылықтың не үшін жасалатынын жақсы білген жөн. Құрбандық шалу тек мал бауыздаумен ғана шектелмейді. Онда адамның ішкі ниеті, шын пейілі, дінге бекемдігі, басқаларға жанашырлығы таразыға түседі. Сондай-ақ пенденің пендешілігі мен мәрттігі, сараңдығы мен жомарттығы да сыналады",-деді Ерденбек Жанұзақұлы.