Кеше облыстық «Жастар ресурстық» орталығында мешіттеріміздің әйел жамағаты «Ерлі-зайыптылардың өзара міндеттері» тақырыбындағы семинар-тренингке қатысты.

«Әйел – ұлт тәрбиешісі» деген ұранмен ұйымдастырылған тренингте облыстық «Әйелдер-қыздар» секторының жетекшісі Л.Сыдықова тақырыбында баяндама жасап, қыз-келіншектер арасындағы мәселені шариғат шеңберінде түсіндірсе, №6 қалалық емханасының акушер-гинекологы Г.Бұхарбаева «Әйел физиологиясы мен саулығы» жайлы әңгіме өрбітті. Ал, «Қалыңдық мектебінің» коуч-тренері Н.Башиева қыз бала тәрбиесі жайлы кеңестер беріп, әйел-аналардың қоғамдағы рөлі жайлы айтты.

Жиын соңында мамандар тыңдаушылар тарапынан тақырып аясында қойылған түрлі сұрақтарға толыққанды жауап берді.