Биылғы қажылық маусымының басталуына байланысты үстіміздегі жылдың 15-18 шілде күндері республикалық «Әзірет Сұлтан» мешітінде Нұр-Сұлтан қаласының қажыларына арналған дайындық дәрістері өткізіледі.

Дәріс сабақтары аясында қажылық рәсімдері жайлы ақпарат беріліп, ұлық сапардың хикметтері түсіндірілетін болады. Арнайы әзірленген көрнекілік құралдары пайдалану арқылы қатысушыларға қажылық кезінде орындалатын құлшылық рәсімдері көрсетіліп, қасиетті сапарды барынша сауапқа толы өткізу жолдары үйретіледі.