Қазақстан мұсылмандары діни басқармасының Діни істер жəне талдау бөлімінің меңгерушісі Нұрбек Есмағанбет жəне ҚМДБ Сараптама секторының меңгерушісі Медет Құрсақов Ауғанстанда өткен "Имам Ағзам" атты халықаралық симпозиумға қатысты.

Халықаралық басқосу барысында ханафи мəзһабының негізін қалаған Имам Ағзамның өнегелі өмірі мен фиқһ саласындағы еңбектері жайлы мазмұнды баяндамалар жасалды.

Симпозиум барысында Нұрбек Есмағанбет Ауғанстан Ислам Республикасының Президенті Мұхаммед Ашраф Ғанимен кездесіп, сұхбаттасты. Сонымен қатар, Ауғанстанның Қажылық жəне уақып министрі Абдулхаким Муниф мырзамен кездесіп, қазақы кəде-сыйды табыстады.