Түркістан облысында зекет малдарын қабылдайтын орын ашылғалы әрі насихат күшейтілгелі шаруашылық иелері бұл парызын өтей бастады. Рамазан айында жылқы мен ірі қарадан зекетке бергендер болды. Мешіттерге әкеп өткізгендерін имамдар сол күні басы бүтін сойып, жетім-жесірлерге үлестірді.

Ал, Келес ауданында тұратын шаруашылық иесі 100 қозылы қойды зекетке өткізді. Бұл төлдерді "Әбдімәлік ата" мешітінің молдасы Тәшкенбай Ешанқұлов 23 отбасыға малбасы ретінде үлестіріп берді. Облыста шариғат талаптарына сай «Балық берме, қармақ бер» жобасы жүзеге асырылмақшы.