Қасиетті рамазан айының Қадір түніне жиналған қауымға Шығыс Қазақстан облыстық «Халифа Алтай» мешітінің қос қанатына кең дастархан жайылып, 4000-нан аса халыққа сәресі берілді.

«Қадір түніне жиналған жамағат үйлеріне жеткенше бізде, шығыста таң намазының уақыты болады. Сондықтан біз сәресін әдейі ұйымдастырып отырмыз. Мешіт қызметкерлері мен шәкірттер халыққа барынша сапалы қызмет көрсетті» деді ұйымдастырушылар.

Мешітке келген жамағат облыстық мешітке, шараны ұйымдастырушыларға алғыстарын білдіріп, ризашылықпен тарқасты.