ҚМДБ-ның Қарағанды облыстық «Әнет баба» мешітінде қасиетті Рамазан айына байланысты баспасөз мәслихаты болып өтті.

Қарағанды облысының өкіл имамы Өмірзақ Бекқожа, Қарағанды қалалық «Әл Машани» мешітінің бас имамы Қабылбек Әліпбайұлы, Қарағанды қалалық «Бала қажы» мешітінің бас имамы Нұров Мазмұд Нұрұлы және жергілікті БАҚ өкілдерінің қатысуымен өткен баспасөз жиынын облыс өкіл имамы ҚМДБ Төрағасы, Бас мүфти Серікбай қажы Сатыбалдыұлының құттықтау сөзімен бастап, Рамазан айының қадір-қасиетін баяндады. Рамазан айы, Қадір түні, Тарауық, Айт намаздарының басталу уақыты мен білгіленген пітір мөлшерін мәлімдеп, ораза ұстаудың шарттары мен үкімдерін толық түсіндірді.