Ақтөбе облыстық орталық «Нұр Ғасыр» мешітінде имамдар мен теолог мамандарға білікті маман тарапынан тренинг өткізілді. Ақтөбе облыстық дін істері басқармасы ұйымдастырған бұл шараға еліміздің көрнекті оқу орындарының бірі «Нұр-Мүбарак» Египет ислам мәдениеті университетінің аға оқытушысы, «экстремизмнің алдын алу саласындағы мамандарды қайта даярлау  институтының» директоры, докторант Асқар Сабдин семинар-тренинг өткізді.

Тренингте қозғалған мәселелер қатарында мынадай маңызды мағлұматтар қамтылды. 

«Дін – маркетинг», «дін – сауда тауары» деген ұғымдарды кеңінен талқыға салып, дін деген тауарды халыққа дұрыс ұсына білсең, тауарыңды өткізе алатыныңды ерекше ескеру керек екенін мамандарға түсіндірді.