Спорт саласында елеулі жетістіктерімен ғана емес, жастар арасында өзіндік өнеге мектебін қалыптастырып жүрген ережесіз жекпе-жектің үш дүркін әлем чемпионы Ардақ Назаров Нұр-Мүбарак университеті студенттерімен кездесті. Тағылымды кездесу жайлы естіп, әлеуметтік желілер арқылы біліп университеттен тыс арнайы келген жастар да аз болмапты. 

Сонымен қатар, имандылық жолына, мұсылмандық парыздардың маңыздылығын түсінуге себеп болған ғибратты оқиғалары жастарға ерекше әсер етті. Жеңімпаз ағаларының әңгімесіне ұйып қалған жастар да көкейлеріндегі сауалдарын қойды. Университеттің "Тәрбие және дін істері" бөлімінің меңгерушісі Оралхан Сейдманов пен бас маман Мақсат Байзақ құрметті қонаққа университет атынан алғыс білдіріп, естелік сыйкәде жасады.