«Құмкөл ауылдық мешіті»

 Тарбағатай ауданы Құмкөл ауылында орналасқан. Мешітті осы ауылдың тумасы Ертіс Секбаев салдырған. 2008 жылы салтанатты түрде ашылды. Жер аумағы 0,2 га, ғимараттың ұзындығы 13,4 метр, ені 10,6 метр. Қабырғасы қызыл силикат кірпіштен қаланған, 180 адам сәждеге жығыла алады. Қос мұнаралы, биіктігі 11 метрден. Күмбезінің биіктігі 2 метр. Ғимарат ішінде имам бөлмесі, от жағатын бөлме, ер және әйелдер намаз оқитын бөлмелері бар. Еденіне жайнамаз төселген, едені арқылы жылытылады. Ауласы темір шарбақпен қоршалған.