«Зайсан орталық мешіті»

Зайсан қаласында орналасқан. Ғимаратты 2001 жылы Зайсан қаласында туып өскен жеке кәсіпкер Аэлита Ахметсәлімқызы салдырған. Жоба авторы Қазақстан Республикасы сәулетшілер одағының мүшесі Салауат Алпысбаев. Ал құрылысты кәсіпкер Тоқтар Базаров жүргізген.

Мешіттің ұзындығы 18, ені 12 метр. Күмбезімен қоса есептегенде биіктігі 9, мұнарасының биіктігі 12,6 метр. Алты бөлмеден тұрады: кіре беріс дәліз, имам, есепші бөлмелері, намазхандар және дәріс бөлмесі.  Құлшылық орны 300 адамға арналған.