«Көкжыра ауылдық мешіті»

 Тарбағатай ауданы Көкжыра ауылында бой көтерген. Мешітті 2000 жылы Көкжыра ауылының тумасы, қазіргі Алматыда тұратын кәсіпкер Дәлелхан Сабыров салған. Ғимарат ақ силикат кірпішпен қаланып, шеттері қызыл силикат кірпіштен өрнектелген. Жер аумағы 0,2 га, ғимараттың ұзындығы 13, ені 11 метр. 150 адам намаз оқи алады. Мұнарасының биіктігі 15 метр. Мұнда кіреберіс бөлме, имам бөлмесі, от жағатын бөлме бар. Еденіне жайнамаз төселген. Ауласы темір шарбақпен қоршалған.