«Жыланды ауылдық мешіті»

 Бесқарағай ауданы Жыланды ауылында бой көтерген. Құрылысы 2007 жылы қыркүйек айында басталып, 2008 жылы пайдалануға берілген. Ол жергілікті халық көмегі және Жыланды орман шаруашылығының демеушілігімен Арғынбек Сафиуллинның ұйымдастыруымен тұрғызылды. Жер аумағы 0,1132 га. Ғимараттың ауданы 90 шаршы метр. Ғимарат ішінде имам бөлмесі, киім ілетін орын, от жағатын бөлме, 70 кісілік намаз оқитын зал бар. Еденіне кілем төселген. Күмбезінің биіктігі 13 метр, мұнарасының биіктігі 17 метр, қабырғасы ағаштан, сырты тақтаймен қапталған. Шатыры қаңылтыр. Ауласы безендірліп қоршалған.