«Рүстем мешіті»

 Бесқарағай ауданы Башқұл ауылында 1999 жылы тамыз айында салтанатты түрде ашылды. Бір мұнаралы, оның биіктігі 14 метр. Көк күмбездің биіктігі 6 метр, 120 кісіге арналған. Ғибадатхананың жалпы аумағы 130 шаршы метр. Намаз оқитын залының алаңы 70 шаршы метр. Имамның қабылдау бөлмесі 10 шаршы метр. Оны Башқұл ауылының тумасы, бүгінде Мәскеу қаласында тұратын Аманжол Нысанбеков өз қаражаты және халықтың көмегімен салған. Ғимаратта имам бөлмесі мен киім ілетін бөлме орналасқан. Ауласы ағаш шарбақпен қоршалған.