«Айша-Фатима» мешіті
Үржар ауданы Елтай ауылында Айша мен Фатима аналарымыздың құрметіне салынған. Құлшылық үйін 2005 жылы кәсіпкер Жұматай Нарысов өз қаражатына 150 адамдық етіп тұрғызған. Мешіт қызыл кірпіштен көтерілген. Жер телімінің көлемі 0,4567 га. Құлшылық үйінің ауданы 150 шаршы метр. Ғибадатханада ерлер мен әйелдердің намаз оқитын бөлмелері және имам бөлмелері бар, еденіне кілем төселген. Ауласында отын сақтайтын қоражай салынған. Мешіттің сырты темір шарбақпен қоршалған. Мұнарасының биіктігі 13 метр, күмбезінің биіктігі 6 метр.