«Аманат ауылдық мешіті»
Күршім ауыданы Аманат аулында салынған. 2008 жылдың тамыз айында құрылысы басталып, сол жылдың қараша айында пайдалануына берілді. Жерінің жалпы аумағы 225 шаршы метр, ауласы қоршалған. 80 адам намаз оқи алады. Намаз оқитын залының ауданы 64 шаршы метр, имам отыратын бөлменің көлемі 36 шаршы метр. Қабырғасы күйдірілген қыштан қаланған. Шатыры қаңылтырмен жабылып, төбесіне жасыл түсті күмбез орнатылған. Мұнарасының биіктігі 6,5 метр.