«Нұрасулла» мешіті

Тарбағатай ауданы Ақметбұлақ аулында 2004 жылы қыркүйек айында пайдалануға берілген. Ауданы 78 шаршы метр. Сәждеге жығылатын залы, имамның қабылдау бөлмесі, жылу қазандығына арналған бөлмесі бар. Құдай үйі 50 адамға арналған. Мұнарасының биіктігі 7 метр. Ғимаратты осы ауылдың тумасы қарт ұстаз Жанипа Расолдина өз қаражатына тұрғызды. Құдай үйіне Жанипаның әкесі соғыс ардагері Нұрасулланың есімі берілген.