«Нұрахмет» мешіті

Тарбағатай ауданы Ақжар ауылдық әкімшілігіне қарасты Жаңалық ауылында 2003 жылы  салынған. Аумағы 90 шаршы метр. Мұнда арнайы құлшылық залы, имам бөлмесі, жылу қазандығына арналған бөлме бар. Алла үйі 60 адамға арналған. Мұнарасының биіктігі 7 метр. Ғимаратты осы ауылдағы Сейфуллин атындағы орта мектепті 1983 жылы бітірген түлектер 20 жылдық мерейтойына арнап салып берген. Мешітке ауылдың қадірменді ақсақалы, ел ағасы болған Нұрахмет Байпейісұлының есімі берілді.