«Құнт қажы» мешiтi

«Құнт қажы» мешiтi Өскемен қаласы маңындағы Загородная кентiнде орналасқан. 2009 жылы шешен, ингуш диаспорасының демеушiлiгiмен 200 адамға арналып салынған. Намаз оқитын бөлмесi 144, имам бөлмесi 7,5 шаршы метр. Едендеріне жайнамаз төселген, азан шақыратын дыбыс күшейткiш орнатылған. Ғимараттың екі жағына жапсарластырыла салынған арнайы бөлмелері бар. Күмбезi сары түспен боялып, қабырғасы қызыл түстi кiрпiшпен қапталған. Үш үмбезімен қатар шағын 2 күмбезі бар. Ауласы темiр шарбақпен қоршалған.