Мадияр Пірімқұлов

1985 жылы 13 шілдеде Түркістан облысы Қазығұрт ауданының Тұрбат ауылына қарасты Еңбек елдімекенінде дүниеге келген.

БІЛІМ ЖОЛЫ: 

2002 жылы Оңтүстік Қазақстан облысы Қазығұрт ауданы, Тұрбат ауылы Еңбек елдімекені «Еңбек орта» мектебін бітірген. 

2002-2003 жылы Түркістан қаласында Қазақ Араб университетінің даярлық курсында діни сауатын ашқан. 

2011-2015 жылдар аралығында «Нұр-Мүбәрак» Египет Ислам мәдениеті университетінің «Исламтану» мамандығы бойынша білім алып тамамдаған. 

2018 жылы Орал қаласында Қазақстан Республикасы Қоғамдық даму министерлігінің қолдауымен жүзеге асырылған, «Парасат» кеңес беру-әдістемелік орталығының  ұйымдастыруымен «Дін мәселелері жөніндегі ақпараттық-түсіндіру тобы мүшелерін даярлау және қайта даярлау» курсында білімін жетілдірген. 

2020 жылы ҚМДБ қарасты Алматы қаласы Имамдардың білімін жетілдіру Ислам институтында оқыған. 

2021 жылдан Нұр-Мүбарак университетінің магистранты.

ЕҢБЕК ЖОЛЫ: 

2009 жылы Алматы қаласы Таугүл–3 мешітінде ұстаздық қызметін атқарған; 

2014-2015 жылдары Алматы қаласы, Наурызбай ауданы Ақжар ықшам ауданындағы «Нұр» мешітінің ұстаздық қызметін атқарған; 

2015 жылы Алматы қаласы, Горный гигант мөлтек ауданында наиб имам қызметін атқарған; 

2015-2016 жылдары Алматы қаласы Наурызбай ауданы Ақжар ықшам ауданындағы «Нұр» мешітінің найб имам қызметін атқарған; 

2016 жылдың 21 қыркүйегінен 2020 жылға дейін Ақтөбе облысы, Темір аудандық орталық «Досжан ишан» мешітінде бас имам қызметін атқарды. 

2020-2022 жылдар аралығында Алматы Орталық мешітінде наиб имам; 

Бес баланың әкесі.