Мұсылман үмметінің қуана қарсы алар мерекесі – Мәуліт айы мейрамына Алла нәсіп етіп биыл тағы қауыштық.

Бұл мереке, яғни Пайғамбарымыздың ﷺ дүниеге келуі – мұсылмандар үшін ұланасыр мейрам, қуанышты оқиға. Ия, өте үлкен мереке. Басқаша болуы да мүмкін емес. Себебі дәл осы Мәуліт айында Алла Тағала адамзатқа ең ұлы нығметін ﷺ жіберді. Бұл нығметті адамзат үшін мейірім етті. Алла Тағала Құранда:

وَمَا أَرْسَلْنَاكَ إِلاّ رَحْمَةً لِّلْعَالَمِينَ

Сонымен қатар, Пайғамбар ﷺ ізінен ерген үмметі өзге үмметтердің алдында үлкен абыройға бөленіп, қайырлы үммет атанды. Алла Тағала бұл нығметті Құранда:

كُنْتُمْ خَيْرَ أمّة أُخْرِجَتْ للنْاسِ

Үммет бұл абыройға Пайғамбарсыз ﷺ әсте қол жеткізе алмас-ты. Бұл ақиқатты Алла Тағала Құранда:

لَقَدْ مَنَّ اللهُ عَلىْ المُؤْمِنيْنَ إذْ بَعَثَ فِيِهِمْ رَسُولاً مِنْهُمْ يَتْلوُ عَلَيْهِمْ آيْاتِهِ وَيُزَكّيهِمْ

Сонымен қатар, Пайғамбардың ﷺ бар болуы – үмметінің азапқа ұшырамауына кепіл. Алла Тағала бұл туралы Құранда:

وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ

Міне, осылайша Пайғамбардың ﷺ өмірге келуімен жер мен көктің арасы нұрға бөленіп, пайғамбарлықтың келуімен төрткүл дүние тура жолдың нұрына шомды.

Оның ﷺ дүниеге келуі Кисраның тағын шайқап, мәжусилердің мың жыл өшпеген оттарын сөндірді.

Пайғамбардың ﷺ өмірге келуіне қуанбау мүмкін бе?! Ол ﷺ – адамзаттың мырзасы. Оның ﷺ сүннетіне еру – Аллаға деген махаббаттың көрінісі. Алла Тағала бұл туралы былай сүйіншілейді:

قُلْ إنْ كُنْتُمْ تُحِبّوُنَ اللهَ فاتبعوني يُحْبِبْكُمْ اللهُ وَيَغْفِرْ لَكُمْ

Мұхаммад ﷺ – ұлы пайғамбар. Оған бағыну – Аллаға бағыну. Алла Тағала айтады:

مَنْ يُطِعِ الرَسُوُلَ فَقَدْ أَطاعَ اَللهْ

Пайғамбарды ﷺ жақсы көрмеген адамның иманы кәміл бола алмайды. Бұған қатысты сахих хадисте Пайғамбарымыз ﷺ:

لا يُؤْمِنُ أحَدُكُمْ حَتّىّ أكوُنَ أحَبُّ إليْهِ مِنْ وَلَدِهِ وَوَالِدهِ وَالناسِ أَجْمَعيْن

Міне, бұл – Мұхаммед ﷺ! Оның ﷺ өмірге келуі бүкіл әлемді нұрға бөлеген. Оның дүниеге келуі – үммет үшін үлкен қуаныш. Алла Тағала Пайғамбарымыздың ﷺ орнын Құранда мына аятпен көрсетеді:

إنَّ اللهَ وَمَلائِكتَهُ يُصَلّوُنَ عَلىْ النَبِيّ

Ендеше, пайғамбарымыздың ﷺ құрметіне біз де салауат айтайық, себебі Алла Тағала бізге:

يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

Сондай-ақ, Алла Елшісі ﷺ өзінің бір хадисінде:

البخيل من ذكرت عنده فلم يصل عليَّ

Ендеше, күллі ғалам рақым нұрына шомылып, періштелердің өзі салауат жолдап жатқанда, мерейлі Мәуліт айтында біз де сүйікті Пайғамбарымызға ﷺ салауат айтып, «сараңдардың» қатарынан болудан сақтанайық!

Аллаһумма салли уа саллим ъала сайидина Мухаммадин уа ъала алиһи уа асхабихи уа мән табиъаһум би ихсанин илә яумид-дин.

Уа, Алла! Мырзамыз Мұхаммедке, оның отбасына, сахабаларына және қияметке дейінгі соңынан ергендерге сәлемің мен игілігіңді жаудырғайсың!