22 қыркүйек пен 18 қазан күндері аралығында Алматы қаласында дінтанушы шәкірттерге қазақ халқының рухани құндылықтарын дәріптеу мақсатында «Ақынның асыл мұрасы» атты классик ақындардың шығармаларын жатқа оқу және мағынасын жеткізу конкурсы өтті.

Алматы қаласы Дін істері басқармасы «Дін мәселелерін зерттеу орталығы» КММ қолдауымен «Жастар Үні» Республикалық қоғамдық бірлестігі «Ұлттық таным» жобасы аясында өткізген конкурсқа Нұр-Мүбарак университеті мен «Әбу Ханифа» колледжі студенттері қатысып, қазақ ағартушылары Абай Құнанбайұлы, Шәкәрім Құдайбердіұлы, Ыбырай Алтынсарин және т.б. шығармаларын жатқа оқып, мағынасын түсіндіріп берді.

Конкурс нәтижесі бойынша «Әбу Ханифа» медресе колледжінің 3 курс студенті Маратов Әнуар Қайратұлы жүлделі І орынды иеленді.