РАНТ мүшесі, Ақтөбе қаласының бас имамы Нұрлыбек Шәкизадаұлы Қызылорда қалалық «Нұр» және Байқоңыр қалалық «Жәрімбет» мешіттерінде жергілікті жамағатпен жүздесті.
Құптан намазының уақытында жамағатпен кездескен Республикалық ақпараттық-насихат тобының мүшесі «иман және амал», «иман және ихсан», «сабырлық» тақырыптарында уағыз айтты.
Сондай-ақ Сыр өңіріне жұмыс сапарымен келген Нұрлыбек Шәкизадаұлы облыстық «Ақмешіт-Сырдария» орталық мешітінде жұма уағызын жүргізді. РАНТ мүшесі Шағбан айының алғашқы жұмасында, аймақтың бас мешітіне жиылған жамағатқа «Кісі ақысын жеу – үлкен күнә» тақырыбында насихат айтты. Нақтырақ айтқанда, жемқорлық, жетімнің ақысын жеу, ұрлық, таразыдан жеу, өзгенің ар-намысына тию арқылы кісіге қиянат жасаудың зардабын түсіндірді.
Pіkіrler (0)
Тіркелген қолданушылар ғана пікір қалдыра алады. Сайтқа кіру