Маңғыстау облысының бас имамы Әнуар Ізімбайұлы Ақтау қаласында өткен саяси қуғын-сүргін және ашаршылық құрбандарын еске алуға арналған іс-шараға қатысты.
Достық үйінде өткен саяси қуғын-сүргін құрбандарын еске алуға арналған жиын Құран аяттарын оқумен басталды. Сонымен қатар қоғам қайраткері Жалау Мыңбайұлының ескерткішінің алдында өткен іс-шараға Маңғыстау облысының әкімі Нұрлан Ноғаев, «Ардагерлер ұйымы» республикалық қоғамдық бірлестігі төрағасының орынбасары Өмірзақ Озғанбайұлы, облыстың бас имамы Әнуар Ізімбайұлы, жергілікті зиялы қауым өкілдері, Қазақстан халқы ассамблеясының мүшелері қатысты.
Сондай-ақ бүгін Саяси қуғын-сүргін және ашаршылық құрбандарын еске алу күніне орай Маңғыстау облысының мешіттерінде бірқатар іс-шаралар өтті. Атап айтқанда, Ақтау, Жаңөзен қалалары мен Бейнеу, Қарақия, Маңғыстау, Мұнайлы, Түпқараған аудандарына қарасты құлшылық үйлерінде Құран аяттары оқылып, сауабы қуғын-сүргін қарсаңында марқұм болған боздақтардың рухына бағышталды.
Pіkіrler (0)
Тіркелген қолданушылар ғана пікір қалдыра алады. Сайтқа кіру