Ақтөбе қаласының «Нұр-сити» мөлтек ауданында 1200 адамға арналған мешіт құрылысы басталды.

Облыстың бас имамы Төлеби Оспан мешіт құрылысымен танысып қайтты. Бұл мешіт аталмыш мөлтек ауданның тұрғындары үшін таптырмас рухани ғимарат болмақ. Мешіт құрылысына 2 гектар жер бөлініп, ҚМДБ-ға балансына рәсімделген.

Мешіт аумағына садақа өткізуге арналған дәстүр үйі, балаларға арналған ойын алаңын салу да қарастырылған. Қазіргі таңда қарқынды құрылыс жұмыстары жүріп жатыр.