Қазақстан мұсылмандары діни басқарамасының Маңғыстау облысы бойынша өкілі, облыстық «Бекет ата» орталық мешітінің бас имамы Ануар Ізімбайұлының төрағалығымен өкілдікке қарасты мешіттердегі қайырымдылыққа жауапты азаматтармен жиналыс өтті.

Жиналыс барысында Қазақстан мұсылмандары діни басқармасының төрағасы, Бас мүфти Наурызбай қажы Тағанұлының Құрбан айт мерекесін ұйымдастыруға қатысты берген тапсырмаларының негізінде, мерекеге қатысты діни рәсімдерді жоғары деңгейде өткізу, қайырымдылық шараларын ұйымдастыру және өңірдегі эпидемиологиялық жағдайға байланысты, жамағаттың қауіпсіздігі үшін құрбандық шалуға тапсырыстарды онлайн ұйымдастыру мәселесі талқыланды.