«Нұр» мешіті
«Нұр» Қаражал қалалық мешіті Жезқазған аймағы Қаражал қаласында орналасқан. 2009 жылы «Қызыл жарты ай» қайырымдылық қоғамының басшысы Мұхаммед Бахуштың демеушілігі және жергілікті халықтың көмегімен салынып, 2010 жылдың 7 тамызда пайдалануға берілді.
Жалпы аумағы 5460 шаршы метр. Мешіт ғимаратының жалпы көлемі 14,4х18,4 метр, күмбезінің биіктігі 4 метр, шеңбері 4 метр. Екі қабатты. Астыңғы қабатында /жертөледе/ имам бөлмесі, дәрісхана, әйелдерге арналған намаз бөлмесі қарастырылған. Үстіңгі қабаты үлкен намаз оқитын бөлмеден және кіреберістегі кішкене бөлмеден тұрады. Мұнарасының биіктігі 7 метр, зал бұрышынан есік шығарылған. Айналасы жазық дала, алдыңғы жағына тротуар плиталары төселінген.