«Ақмолда» мешіті

«Ақмолда» мешіті Қызылорда қаласының Қосшыңырау округінде орналасқан. Абай Әбубәкіров пен Файзрахман Нұртазаұлының қолдауымен салынған. Құрылысы 2004 жылы басталып,  2005 жылдың 18 шілдесінде аяқталды.

Жерінің жалпы аумағы 0,27 га, 100 адамға арналған. Сырты қышпен өріліп, ішкі бөлмелері әктелген. 4 бөлмеден тұрады. Бөлмелеріне кілемдер төселген, 4-есігі мен 4-терезесі бар. Күмбезі мен мұнарасы көк қаңылтырмен қапталған.