Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Мемлекет басшысы Қасым-Жомарт Тоқаевтың бастамасымен ел аумағында өтіп жатқан «Таза Қазақстан» жалпыұлттық экологиялық акциясына қатысты. Іс-шара Астана қаласындағы Бейбітшілік және келісім саябағында өтті.

Жалпыұлттық экологиялық акцияға Парламент Сенатының Төрағасы Мәулен Әшімбаев, депутаттар, мемлекеттік органдар мен діни бірлестіктердің өкілдері, сондай-ақ еріктілер мен жастар қатысты.

Ағаш отырғызу іс-шарасында Бас мүфти: «Ислам діні тазалық пен тәртіпке шақырады. Қоршаған ортаны таза ұстау – әрбір мұсылманның парызы. Бұл – табиғатқа деген құрмет әрі ұрпақ алдындағы жауапкершілік», – деді.