Қызылорда облыстық «Ақмешіт-Сырдария» орталық мешітінде ауыл имамына ҚМДБ «Зекет және қайырымдылық» қорының «Ел үлесі – пәтерге» акциясының 814-баспана кілті табысталды.

Қайырымдылық күнінде ұйымдастырылған игі шараға ҚМДБ «Зекет және қайырымдылық» қорының директоры Мақсатбек Қайырғалиұлы арнайы қатысып, дін қызметкерін құттықтады.

Айта кетейік, Қазақстан мұсылмандары діни басқармасының 35 жылдығына орай «Ел үлесі – пәтерге» жобасы аясында биыл 35 дін қызметкеріне және 35 мұқтаж отбасына баспана сыйлау жоспарланған.